Kafedraning tashkil etilgan yili va rivojlanish tarixi Muhandislik va kompyuter grafikasi kafedrasi 2022-yilda Chirchiq davlat pedagogika universiteti (CHDPU) rektorining 2022-yil 29-avgustdagi 01-215-sonli buyrug‘i bilan “Tasviriy san’at” kafedrasi tarkibidan mustaqil kafedra sifatida ajralib chiqdi. Kafedra Toshkent viloyati, Chirchiq shahri, Amir Temur ko‘chasi 104-uyda joylashgan Chirchiq davlat pedagogika universiteti Bosh binosining 1-qavati, 116-xonada faoliyat olib boradi. Bugungi kunda kafedra Tasviriy san’at va muhandislik grafikasi yo‘nalishlari uchun o‘qituvchilar, shuningdek Dizayn: interyer dizayni mutaxassislarini tayyorlash va o‘qitish bilan shug‘ullanadi.

Kafedraning maqsadi va vazifalari Kafedraning missiyasi: Ilg‘or ta’lim, fan va innovatsion texnologiyalarni integratsiyasi asosida kafedraning mahalliy va xalqaro miqyosdagi nufuzini oshirishga qaratilgan. Maqsadlarimiz:

• Muhandislik grafikasi fanlarida yuzaga keladigan muammolarni hisobga olgan holda uzluksiz pedagogik ta’limning mazmun va maqsadini yangilash.
• Xalqaro hamkorlikni kengaytirish – universitetlar va kafedralar, ilmiy jamoatchilik va ta’lim loyihalari bilan hamkorlikni yo‘lga qo‘yish.
• Ilmiy-tadqiqot muhitini rivojlantirish – muhandislik grafikasi fanlarini zamonaviy texnologiyalar asosida o‘qitish, pedagogik tadqiqotlar bo‘yicha innovatsion markazga aylanish. Muhandislik va kompyuter grafikasi kafedrasining o‘rta muddatli strategik rivojlantirish dasturi (2022-2025 yillar uchun) amalga oshirilmoqda.

O‘quv dasturlari Kafedra bakalavriat bosqichi talabalariga Muhandislik grafikasi fanlari bo‘yicha darslar olib boradi.

• 60111200 - Tasviriy san’at va muhandislik grafikasi
• 60210400 - Dizayn: interyer dizayni
• Magistratura dasturlari:
• 70110502 - Muhandislik grafikasi va dizayn nazariyasi

Ilmiy-tadqiqot yo‘nalishlari va loyihalar Kafedraning asosiy ilmiy yo‘nalishlari Muhandislik grafikasi fanlarida muammolarni hisobga olgan holda uzluksiz pedagogik ta’limning mazmun va maqsadini yangilashga qaratilgan. Ular quyidagilarni o‘z ichiga oladi:

• Kompyuter grafikasi vositasida talabalarning ijodiy qobiliyatlarini rivojlantirish.
• Chizmachilik fanini o‘qitishda grafik dasturlardan foydalanish metodikasini takomillashtirish.
• Talabalarning ijodkorlik qobiliyatini rivojlantirishning innovatsion usullari.
• Chizmachilik fanini grafik dasturlardan foydalanib o‘qitishda uning didaktik ta’minotini mustahkamlash.
• Oliy ta’limda chizmachilik fanini raqamli texnologiyalar vositasida o‘qitish metodikasini takomillashtirish.
• Talabalarning loyihalashtirish qobiliyatlarini proyeksiyalash usullaridan foydalanib rivojlantirish metodikasini takomillashtirish.