Gumanitar Fanlar Fakulteti

Chirchiq davlat pedagogika universitetining Gumanitar fanlar fakulteti, 2017-yilda tashkil etilgan bo‘lib, ijtimoiy fanlar, gumanitar fanlar va filologiya yo‘nalishlariga qaratilgan jonli akademik markazdir. Dastlab Tarix va tillar fakulteti nomi bilan mashhur bo‘lgan, 2020-yil 31-oktabrdagi Chirchiq davlat pedagogika instituti kengashining 4-sonli yig‘ilishi qarori bilan rasman Gumanitar fanlar fakulteti deb qayta nomlangan. Fakultet nazariy bilimlarni, amaliy qo‘llashni va global hamkorlikni uyg‘unlashtirish orqali o‘zining xalqaro mavqeini oshirishni maqsad qilib, XXI asr ko‘nikmalariga ega har tomonlama rivojlangan mutaxassislarni tayyorlashga intiladi.

Manzil: Toshkent viloyati, Chirchiq shahar, Lomonosov ko‘chasi 1-uy, Chirchiq davlat pedagogika universiteti, 6-bino.

Gumanitar fanlar fakulteti 2017-yilda Tarix va tillar fakulteti sifatida tashkil etilgan. U 2020-yil 31-oktabrdagi Chirchiq davlat pedagogika instituti (hozirgi universitet) kengashining 4-sonli yig‘ilish qarori bilan rasman Gumanitar fanlar fakulteti deb qayta nomlangan. Fakultet Toshkent viloyati, Chirchiq shahar, Lomonosov ko‘chasi 1-uyda, Chirchiq davlat pedagogika universiteti, 6-binoda joylashgan.

Bugungi kunda fakultetda jami 3686 nafar talaba zamonaviy jihozlangan auditoriya va laboratoriya xonalarida turli ta’lim dasturlari bo‘yicha tahsil oladi:

1594 nafar kunduzgi bakalavriat ta’lim yo‘nalishlarida.
101 nafar kunduzgi magistratura ta’lim yo‘nalishlarida.
1908 nafar sirtqi ta’lim (2-OT) yo‘nalishi asosida.
83 nafar kechki ta’limda.

Fakultetda jami 117 nafar professor-o‘qituvchilar faoliyat yuritmoqda, ulardan:

9 nafar fan doktori, professor.
38 nafar fan nomzodi, dotsent.

Fakultetda ijtimoiy-gumanitar (tarix, milliy g‘oya, huquq ta’limi) hamda filologiya (o‘zbek tili va adabiyoti, rus tili va adabiyoti, o‘zga tilli guruhlarda rus tili, qozoq tili, tojik tili) yo‘nalishlarida bakalavriat, magistratura, doktorantura bosqichlari mavjud bo‘lib, talabalar kunduzgi, sirtqi, kechki va magistratura shakllarida bilim oladilar.

Fakultetda til sertifikatiga ega yosh o‘qituvchilar tomonidan fanlarning ingliz tilida olib borilishi (sertifikatlar, ingliz tili dasturlari elektron) yo‘lga qo‘yilgan.

Fakultetning maqsadi va vazifalari

Fakultet missiyasi: Fakultetning asosiy vazifasi ijtimoiy-gumanitar fanlar bo‘yicha ilg‘or tajribalarni tatbiq etish hamda nazariya va amaliyot integratsiyasi asosida fakultet imidjini xalqaro miqyosda oshirish.

Fakultet maqsadi:

Filologiya va ijtimoiy fanlar ta’limi mazmunini va uning o‘quv-uslubiy ta’minotini bugungi kun talablaridan kelib chiqqan holda takomillashtirish orqali XXI asr ko‘nikmalariga ega raqobatbardosh kadrlar tayyorlash.
Sog‘lom raqobat muhitini shakllantirish va xalqaro darajada fakultet jozibadorligini oshirish.
Xalqaro darajadagi o‘qituvchi tayyorlash orqali fakultet imidjini oshirish.

Fakultetning hamkorlik aloqalari

Gumanitar fanlar fakulteti pedagogik ta’lim innovatsion klasterida belgilangan vazifalarni bajarish, yangi O‘zbekistonning yangi pedagogik kadrlarini tayyorlash, o‘quv-uslubiy ta’minotni takomillashtirish, ilmiy tadqiqotlarni xalqaro doirada amalga oshirish, xalqaro darajadagi o‘qituvchilarni tayyorlash maqsadida Toshkent viloyatidagi umumiy o‘rta ta’lim va kasb-hunar maktablari, Respublika oliy ta’lim muassasalari, xorijiy oliy ta’lim muassasalari hamda ko‘plab jamoat tashkilotlari bilan manfaatli hamkorlik aloqalarini yo‘lga qo‘ygan.

Hamkorlikka yo‘naltirilgan tadqiqotlarda amalga oshiriladigan vazifalar quyidagilar:

O‘zbekiston Respublikasi Prezidentining 2022-yil 2-iyundagi PQ-289-sonli qarori ijrosini ta’minlashga qaratilgan umumta’lim maktablari bilan hamkorlikni takomillashtirish.
Respublikadagi oliy ta’lim muassasalari bilan talabalar akademik mobilligi yordamida tajriba almashish.
Respublika Qozoq, Tojik, Rus Milliy madaniy markazlari bilan fakultetning "Do‘stlik ma’naviyat markazi" ("Qozoq milliy markazi", "Tojik milliy markazi", "Rus milliy markazi") hamkorligidagi ma’naviy-ma’rifiy tadbirlarini tizimli tashkil etish, OAV va ijtimoiy tarmoqlarda yoritib borishdan iborat.