Milliy g‘oya, ma’naviyat asoslari va huquq ta’limi kafedrasi

2021-yilda tashkil etilgan Chirchiq davlat pedagogika universitetining Milliy g‘oya, ma’naviyat asoslari va huquq ta’limi kafedrasi ma’naviy yuksalish va huquqiy savodxonlikka asoslangan ma’rifatli jamiyatni shakllantirishga bag‘ishlangan. Kafedra bakalavriat va magistratura yo‘nalishlarida milliy g‘oya, ma’naviyat asoslari va huquq ta’limi, shuningdek, ijtimoiy ish bo‘yicha mutaxassislar tayyorlaydi. U innovatsion pedagogik usullar orqali o‘qitish sifatini oshirishga, xalqaro hamkorlikni kengaytirishga hamda falsafa, ma’naviyat va huquq sohasidagi ilmiy tadqiqotlarni rivojlantirishga, amaliyotga va shaxsiy rivojlanishga katta e’tibor qaratadi.

MILLIY G’OYA, MA’NAVIYAT ASOSLARI VA HUQUQ TA’LIMI KAFEDRASI

Tashkil etilgan yili: 2021 yil Manzil: Toshkent viloyati, Chirchiq davlat pedagogika universiteti, 6-bino B, 312-xona.

Gumanitar fanlar fakulteti “Milliy g‘oya, ma’naviyat asoslari va huquq ta’limi” kafedrasi Chirchiq davlat pedagogika instituti rektorining 2021-yil 28-avgustdagi “Institut tarkibiy tuzilmasiga o‘zgartirish kiritish to‘g‘risida”gi 01-215-sonli buyrug‘i asosida Gumanitar fanlar fakulteti tarkibidagi «Ijtimoiy fanlar» kafedrasi negizida tashkil etildi.

Bugungi kunda kafedrada quyidagi yo'nalishlar bo'yicha mutaxassislar tayyorlanadi:

Bakalavriat:
- 60112100 – Milliy g‘oya, ma’naviyat asoslari va huquq ta’limi
- 60920100 – Ijtimoiy ish (fuqarolar o‘zini-o‘zi boshqarish organlari)
Magistratura:
- 70112101 – Ijtimoiy-gumanitar fanlarni o‘qitish metodikasi (ma’naviyat asoslari)
- 70112102 - Ijtimoiy-gumanitar fanlarni o‘qitish metodikasi (huquq ta’limi)

KAFEDRANING MAQSADI VA VAZIFALARI

Kafedraning missiyasi: Ma’rifatli jamiyat, ma’naviy yuksalish, huquqiy savodxonlik – barqaror taraqqiyot kafolati ekanligini keng targ‘ib qilishdan iborat.

Maqsadlarimiz:

Kasbiy sohalarga yo‘naltirilgan dasturlar va ilg‘or pedagogik usullar orqali milliy g‘oya, ma’naviyat asoslari va huquq ta’limi sifatini oshirish hamda bo‘lajak o‘qituvchilarni "Mustaqil o‘rganishga o‘qitish" faoliyati asosida xalqaro darajadagi o‘qituvchi tayyorlash.
Xalqaro hamkorlikni kengaytirish – universitetlar, ilmiy jamoatchilik va ta’lim loyihalari bilan hamkorlikni yo‘lga qo‘yish.
Ilmiy-tadqiqot muhitini rivojlantirish – falsafa, ma’naviyat va huquq fanlarini o‘rganish va pedagogik tadqiqotlar asosida 4+2 amaliyoti faoliyatini amalga oshirish samaradorligiga qaratilgan “Amaliyot maydonchasi”ni tashkil qilish.
- Ta’lim oluvchilarning mustaqil faoliyatda o‘z-o‘zini rivojlantirishga yordam beradigan mexanizmlar ishlab chiqish va tatbiq etish.
- Ta’lim oluvchilarning mustaqil faoliyatda o‘z-o‘zini rivojlantirishga yordam beradigan individual va jamoaviy loyihalar joriy etish.

Milliy g‘oya, ma’naviyat asoslari va huquq ta’limi kafedrasining uzoq va o‘rta muddatli strategik rivojlantirish dasturi (2025-yil uchun)

ILMIY-TADQIQOT YO‘NALISHLARI VA LOYIHALAR

Milliy g‘oya, ma’naviyat asoslari va huquq ta’limi kafedrasi ilmiy-tadqiqot faoliyatida bir qator strategik yo‘nalishlarda ish olib bormoqda. Quyidagi yo‘nalishlar zamonaviy ta’lim talablariga javob beruvchi ilmiy tadqiqotlar olib borish, milliy va xalqaro ilmiy hamjamiyat bilan hamkorlikni kengaytirish hamda amaliy natijalarga erishishni maqsad qilgan:

Maqsadga yo‘naltirilgan tadqiqotlar: Resurslarni umumlashtirish va fakultetni insoniyatning barqaror rivojlanish masalalari bilan bog‘liq muammolari va murakkabliklarini yetakchi o‘rinda turishini ta’minlashga qaratilgan.
Hamkorlikka yo‘naltirilgan tadqiqotlar: Yetakchi xorijiy universitetlar, ilm-fan va ta’lim hamda yuqori texnologiyalar bilan jihozlangan tashkilotlar bilan ta’lim va ilmiy tadqiqotlar bo‘yicha o‘zaro manfaatli hamkorlik va integratsiyani yaxshilashga qaratilgan.
Tarbiya fanlarini o‘qitish metodikasi: Tarbiya fanlarini o‘qitish metodikasini rivojlantirish kafedraning ustuvor yo‘nalishlaridan biri hisoblanadi. "Ta’lim klasterining imkoniyatlari", "Ta’lim tizimida klasterli yondashuvni joriy etishning o‘ziga xos xususiyatlari", "Ta’lim klasteri: imkoniyat va istiqbollari", "Pedagogik ta’lim innovatsion klasterining g‘oyaviy-mafkuraviy asoslari", "Ta’lim klasteri sharoitida ijtimoiy-gumanitar fanlarni o‘qitish samaradorligini oshirish masalalari" kabi masalalarni takomillashtirishga alohida e’tibor qaratilmoqda. Shuningdek, ma’naviy tarbiyaning tarixiy-nazariy asoslari bo‘yicha ham natijali ishlar amalga oshirilgan.
Huquq fanlarini o‘qitish metodikasi bo‘yicha tadqiqotlar: Kafedraning mazkur yo‘nalishdagi ilmiy izlanishlari milliy va xalqaro adabiy merosni o‘rganishga qaratilgan. Huquqiy ta’limni, huquqiy ong va huquqiy madaniyatni yuksaltirish, huquqiy savodxonlikni oshirish jarayonlarini ilmiy-metodologik jihatdan tadqiq etish muhim ahamiyat kasb etadi. "Oliy ta’lim muassasalarida huquqiy fanlarni o‘qitish metodikasini takomillashtirish", shuningdek, huquq subyektlarining huquqiy immunitetini shakllantirish, globallashuv sharoitida inson huquqlari va erkinliklarining o‘ziga xos xususiyatlarini ilmiy tadqiq etishga e’tibor qaratilmoqda.
Falsafiy tahlil va qiyosiy tadqiqotlar: Falsafa va ma’naviyat yo‘nalishida bir qator ilmiy ishlar olib borilmoqda. Jumladan, murakkab tizimlarda axborot generatsiyasining falsafiy-metodologik asoslari, raqamlashtirish, zamonaviy tafakkur paradigmalari, inson kapitalini rivojlantirish, kreativlik falsafasi, kibermakonda yoshlar ma’naviy hayoti, raqamlashgan jamiyatda sun’iy intellekt muammosi kabi masalalar kognitiv va pragmatik nuqtai nazardan tahlil qilinmoqda.
Kommunikativ va didaktik kompetensiyalarni rivojlantirish: Talabalarning kommunikativ va ijodiy ko‘nikmalarini shakllantirishga qaratilgan tadqiqotlar kafedraning muhim ustuvor yo‘nalishlaridan biri bo‘lib kelmoqda. Dars jarayonida innovatsion va ijodiy yondashuvlarni qo‘llash orqali talabalarda mustaqil fikrlash ko‘nikmalari rivojlantirilmoqda.
Madaniyatlararo kommunikatsiya va qadriyatlar: Madaniyatlararo muloqot kompetensiyasini rivojlantirish va umuminsoniy qadriyatlarni targ‘ib qilish kafedra faoliyatining muhim jihatlaridan biri bo‘lib, bu borada jahon adabiyoti asosida milliy qadriyatlar va axloqiy ta’lim yo‘nalishida ko‘plab tadqiqotlar olib borilmoqda. Xususan, turk runologiyasi va etnomadaniy jarayonlar, vatanparvarlikni jamiyatning ma’naviy qadriyati sifatida tahlil qilish, millatlararo munosabatlar va diniy bag‘rikenglik masalalari o‘rganilmoqda.

Mazkur yo‘nalishlar kafedraning ilmiy-tadqiqot salohiyatini yuksaltirishga va yangi zamonaviy metodologiyalarni rivojlantirishga xizmat qilmoqda.

O‘zbekiston Respublikasi Vazirlar Mahkamasining 2017-yil 22-maydagi “Oliy o‘quv yurtidan keyingi ta’lim tizimini yanada takomillashtirish chora-tadbirlari to‘g‘risida”gi 304-sonli Qaroriga muvofiq kafedrada quyidagi ilmiy izlanuvchilar mustaqil izlanuvchilik faoliyatini olib bormoqdalar:

Ibroximov Farxodjon Anvarjin o‘g‘li: "Zamonaviy pedagogik yondashuvlar asosida falsafiy fanlarni o`qitish metodikasini takomillashtirish" mavzusida (13.00.02 - Ta’lim va tarbiya nazariyasi va metodikasi (falsafa) ixtisosligi bo‘yicha). Ilmiy rahbar: f.f.d.(DSc), dots. Husanov Baxodir Ergashevich.
Yo‘ldoshev Avazbek Abdurashid o‘g‘li: “Raqamlashgan jamiyatda sun’iy intellekt muammosi: ijtimoiy-falsafiy asoslari” (09.00.04 – Ijtimoiy falsafa ixtisosligi bo‘yicha). Ilmiy rahbar: f.f.d., prof. G.G‘.G‘affarova.
Berkinov Oybek Toxir o‘g‘li: “Kibermakonda va ijtimoiy hayot: falsafiy-funksional tahlil” (09.00.04 – Ijtimoiy falsafa ixtisosligi bo‘yicha). Ilmiy rahbar: f.f.d., prof. G.G‘.G‘affarova.

MAXSUS KURSLAR VA O‘QUV DASTURLARI (amaliyot dasturlari)

60112100 – Milliy g‘oya, ma’naviyat asoslari va huquq ta’limi (bakalavriat, 1-kurs)
60112100 – Milliy g‘oya, ma’naviyat asoslari va huquq ta’limi (bakalavriat, 2-kurs)
60112100 – Milliy g‘oya, ma’naviyat asoslari va huquq ta’limi (bakalavriat, 3-kurs)
60112100 – Milliy g‘oya, ma’naviyat asoslari va huquq ta’limi (bakalavriat, 4-kurs)

ILMIY TADQIQOTLAR VA INNOVATSION LOYIHALAR

Milliy g‘oya, ma’naviyat asoslari va huquq ta’limi kafedrasida bajarilayotgan ilmiy-tadqiqot ishlari.

Professor-o‘qituvchilarning ilmiy faoliyati:

G‘affarova Gulchehra G‘ulamjanovna – Ilmiy ishlar ro‘yxati, Ilmiy loyihalar, Darsliklar, O‘quv qo‘llanmalar, Uslubiy qo‘llanmalar, Monografiyalar, Web of Science maqola, Ilmiy maqolalar, Ma’naviy-ma’rifiy ishlar.
Nazarov Nasriddin Atakulovich – Scopus, Xalqaro jurnal maqola, Konferensiya maqolalari.
Ikramov Ravshan Aktamovich – Ilmiy ishlar ro‘yxati, Ilmiy loyihalar, O‘quv qo‘llanmalar, Monografiyalar, Ilmiy maqolalar.
Qandov Bahodir Mirzayevich – O‘quv qo‘llanmalar, Monografiyalar, Web of Science maqola, Xalqaro maqolalar, OAK maqolalar, Konferensiya maqolalari.
Tog‘ayev Shavkat Xurramovich – O‘quv qo’llanmalar, Monografiyalar, Web of Science maqola, Impact Factor, OAK maqolalar, Konferensiya maqolalari.
Raxmonova Gulchexra Salaydinovna – Monografiyalar, Xalqaro jurnal maqolalar, OAK maqola, Konferensiya maqolalari.
Ibrohimov Farxodjon Anvarjon o‘g‘li – O‘quv qo‘llanmalar, Monografiyalar, Impact Factor, OAK maqolalar, Konferensiya maqolalari.
Yo‘ldoshev Avazbek Abdurashid o‘g‘li – Web of Science, Xalqaro jurnal maqolalari, OAK maqola.
Berkinov Oybek Toxir o‘g‘li – Monografiya, Web of Science, Xalqaro jurnal maqolalari, OAK maqola, Konferensiya maqolalari.

2024-yilda o‘tkazilgan ilmiy seminarlar haqida umumiy ma’lumot: Chirchiq davlat pedagogika universiteti Gumanitar fanlar fakulteti Milliy g‘oya, ma’naviyat asoslari va huquq ta’limi yo‘nalishi 1, 2 va 4-bosqich talabalari hamda kafedra professor-o‘qituvchilari uchun falsafa fanlari doktori, professor Nazarov Qiyomiddin Normirzayevich ishtirokida “Umumbashariy muammolar: ma’naviy taraqqiyot va yoshlar kamoloti” mavzusida ilmiy seminar tashkil etildi.