Kafedra haqida "Maktabgacha ta’lim pedagogikasi" kafedrasi 2024-yilda Chirchiq davlat pedagogika universiteti Kengashining 2024-yil 29-avgustdagi 1-sonli qaroriga muvofiq Maktabgacha ta’lim fakulteti tarkibida faoliyat ko‘rsata boshladi. Ilgari “Maktabgacha ta’lim metodikasi” kafedrasi tarkibida bo‘lgan bo‘lsa, keyinchalik mustaqil kafedra sifatida ajralib chiqdi. Bugungi kunda kafedra Maktabgacha ta’lim yo‘nalishlari uchun nazariy bilimlarni o‘qitish bilan shug‘ullanadi.

Maqsad va Vazifalar Kafedraning missiyasi – individual ta'lim muhitida talaba va tadqiqotchilarni ilmiy faoliyatga yo'naltirish hamda talabalarning ilg‘or nazariy va amaliy ko‘nikmalarini rivojlantirib, kasbiy kompetensiyasini shakllantirishdan iborat. Asosiy maqsadlarimiz:

• Kasbiy sohalarga yo‘naltirilgan dasturlar va ilg‘or pedagogik usullar orqali kasbiy kompetensiyalar sifatini oshirish.
• Universitetlar, ilmiy jamoatchilik va ta’lim loyihalari bilan hamkorlikni yo‘lga qo‘yish orqali xalqaro hamkorlikni kengaytirish.
• Pedagogik tadqiqotlar bo‘yicha innovatsion markazga aylanish orqali ilmiy-tadqiqot muhitini rivojlantirish. Kafedra 2024-2025 yillar uchun mo'ljallangan o'rta muddatli strategik rivojlanish dasturiga ega.

O‘quv dasturlari Kafedra bakalavriat bosqichi talabalariga Maktabgacha ta’lim mutaxassislik fanlari bo‘yicha darslar olib boradi.

• 1-kurs o‘quv dasturlari (Maktabgacha ta’lim yo‘nalishi):
  • Bolalar psixologiyasi va psixodiagnostikasi
  • Bolalarning ijtimoiy moslashuvi
  • Rivojlantiruvchi markazlarni tashkil etish
  • Ilk va maktabgacha yoshdagi bolalar pedagogikasi
• 3-kurs o‘quv dasturlari (Maktabgacha ta’lim yo‘nalishlari uchun):
  • Artpedagogika asoslari
  • Ijtimoiy moslashuv

Ilmiy-tadqiqot Yo‘nalishlari va Loyihalar Maktabgacha ta’lim pedagogikasi kafedrasi ilmiy-tadqiqot faoliyatida bir qator strategik yo‘nalishlarda ish olib bormoqda. Ushbu yo‘nalishlar zamonaviy ta’lim talablariga javob beruvchi ilmiy tadqiqotlar olib borish, milliy va xalqaro ilmiy hamjamiyat bilan hamkorlikni kengaytirish hamda amaliy natijalarga erishishni maqsad qilgan. Kafedrada olib borilayotgan muhim dissertatsiya tadqiqotlari quyidagilarni o‘z ichiga oladi:

• 13.00.01 – Pedagogika nazariyasi. Pedagogik ta’limotlar tarixi:
  • “Talabalarda kasbiy-kreativlik ko’nikmalarini shakllantirish mexanizmlarini takomillashtirish” (Ismanova Ma'mura Abdumoʻminovna).
  • “Bo'lajak Maktabgacha ta'lim tashkilotlari tarbiyachilarida kasbiy pedagogik mahoratini takomillashtirish mexanizmlari” (O‘razaliyeva Sojida Tojiboy qizi).
  • “Maktabgacha taʼlim tashkilotlarida harakatli o‘yinlarni tashkillashtirish, tarbiyalanuvchilarda axloqiy va irodaviy sifatlarni shakllantirish (Tayyorlov guruhi misolida)” (Kodirova Muyassar Eshmamat qizi).
  • “Talabalarni Individual ta'lim sharoitida milliy tarbiya vositasida ijtimoiy pedagogik faoliyatga tayyorlash” (Azamatova Dildora Shuxrat qizi).
• 13.00.08 – Maktabgacha ta'lim va tarbiya nazariyasi va metodikasi:
  • “Maktabgacha katta yoshdagi bolalarda ijodiy qobilyatlarni rivojlantirish texnologiyalari” (Urmonova Toshxon Ibragimovna).