TARHI TOZA DOSTON HAQIDA O‘YLAR
QR kod:
Yuklab olishlar (15)
Ushbu monografiyada ishqiy dostonning Nizomiy tomonidan shakllantirilgan obrazlar tizimiga Navoiy tomonidan olib kirilgan yangiliklar, obrazlar genezisi va tadrijiy evolyutsiyasi, tarixiy asoslari; shuningdek, “Farhod va Shirin” dostoni bilan bevosita aloqador bo‘lgan “Masnaviy”, “Munojot” kabi asarlar misolida Navoiyning ijodiy orginalligi, badiiy kashfiyotlarini ilmiy asosda ko‘rsatib berish vazifasi qo‘yilgan.
Monografiyaning maqsadi “Farhod va Shirin” dostonidagi obrazlar genezisi va tadrijiy rivojini o‘rganish orqali shoir ijodining qadimiy ildizlarini, manbalarini aniqlash va Navoiyning obraz yaratish mahorati; mavzu va an’ana takomiliga qo‘shgan hissasini ilmiy asoslashdan iborat.
Monografiyada Alisher Navoiy asarlarining yigirma jildligidan o‘rin olgan “Farhod va Shirin” dostoni asosiy manba sifatida olindi. Shuningdek, turk shoiri Lami’i Mahmud Chalabiyning “Farhod va Shirin” (“Farhodnoma”) dostoni tadqiqotga jalb etildi. Navoiyning ”Masnaviy”, “Munojot” kabi boshqa asarlariga ham murojaat etildi.
