Genetika va Evolyutsion Biologiya Kafedrasi

2020-yilda tashkil etilgan Genetika va evolyutsion biologiya kafedrasi, professor B.X.Amanov rahbarligida, uzluksiz ta'lim, yuqori samarali tadqiqotlar va xalqaro hamkorlik orqali biologiya fanining yetakchi markazlaridan biriga aylanishni maqsad qilgan. Kafedraning missiyasi — biologiya ta'limi sifatini oshirish, malakali kadrlar tayyorlash tizimini takomillashtirish, tadqiqot salohiyatini kuchaytirish va ilmiy natijalarni tijoratlashtirish, shu bilan birga akademik erkinlik, kasbiy tayyorgarlik va global mas'uliyatni rag'batlantirishdan iborat.

GENETIKA VA EVOLUTSION BIOLOGIYA KAFEDRASI

Kafedra tarixi: Genetika va evolyutsion biologiya kafedrasi Toshkent viloyati Chirchiq davlat pedagogika instituti Kengashining 2020 yil 29 avgustdagi 1-sonli qaroriga muvofiq tashkil etilgan va bugungi kungacha biologiya fanlari doktori, professor B.X.Amanov rahbarlik qilib kelmoqda.

Kafedraning strategik vazifasi, maqsadi va missiyasi

Kafedraning strategik vazifasi: Kafedraning uzluksiz ta’lim tizimini rivojlantirish, yuqori samarali ilmiy tadqiqotlari va xalqaro hamkorligi bilan biologiya fani va tadqiqotlari bo‘yicha yetakchi markazlardan biriga aylanish.

Genetika va evolyutsion biologiya kafedrasining strategik maqsadi: Ilm-fan va ixtirochilikni rivojlantirish asosida zamonaviy ta’lim dasturlarini joriy etish orqali ta’lim muassasalarida ta’lim sifatini yanada oshirish, ta’lim jarayonidagi zamonaviy pedagogik va aqlli texnologiyalar, masalan, elektron modullarni shakllantirish orqali masofaviy o‘qitishni joriy etish.

Strategiyaning Missiyasi: Biologiyani ta’lim sifati va qamrovini yaxshilash asosida uzluksiz ta’lim tizimini rivojlantirish, sifatli kadrlar tayyorlash tizimini takomillashtirish, ilmiy tadqiqotlar salohiyati va samaradorligini kuchaytirish, ilmiy-tadqiqot natijalarini tijoratlashtirishning samarali mexanizmlarini yaratish hamda joriy etish.

Kafedraning Istiqbolli nigohi: Biologiya fanlari (zamonaviy genetika) bo‘yicha ta’lim sifatini oshirishda individual ta’lim tizimini takomillashtirish, ta’lim muassasalarini zamonaviy laboratoriyalar, so‘nggi xorijiy adabiyotlar asosida darsliklar tayyorlash, kadrlar tayyorlash va ilm-fan natijalaridan foydalanishda ta’lim, ilm-fan va ishlab chiqarish sohalari o‘rtasida o‘zaro yaqin muloqot va hamkorlikni yo‘lga qo‘yish hamda istiqbolli ilmiy ishlanmalarini tijoratlashtirish.

Kafedraning shiori: “To‘g‘ri yo‘lning ochqusi ilmdir”

Kafedra Strategiyasining Asosiy Yo‘nalishlari

Kafedraning uzoq va o'rta muddatga mo'ljallangan strategik rejasini amalga oshirishda quyidagi strategik tashabbuslar (ST) asosiy o‘rin tutadi:

ST-1 – "Zamonaviy genetika va biologiya fanlarining ta’lim, tadqiqot va ilmiy manbalarini rivojlantirish"
ST-2 – "Xalqaro hamkorlik"

Kafedraning Maqsadi va Vazifalari (Ta’lim, Ilmiy Tadqiqotlar, Xalqaro Hamkorlik)

Innovatsion ta’lim texnologiyalari asosida yuqori malakali biologiya fani o‘qituvchilarini tayyorlash hamda zamonaviy biologik tadqiqotlarni yo‘lga qo‘yish quyidagi tamoyillarga asoslanadi:

Akademik erkinlik: Talabalar va professor-o‘qituvchilar o‘z fikr-mulohazalarini, tadqiqotchilik faoliyatini erkin olib borishlari va ifoda etishlari kerak.
Sifatli ta’lim: Zamonaviy standartlar va mehnat bozori talablariga javob beradigan yuqori sifatli ta’limni tashkil etish.
Kasbiy tayyorgarlik: Berilayotgan ta’lim talabalarga nafaqat nazariy bilimlarni, balki raqobatbardosh kadrlarning muvaffaqiyatli kasbiy faoliyati uchun zarur bo‘lgan amaliy ko‘nikmalarni berish.
Xalqaro hamkorlik va akademik faollik: Uzluksiz ta’lim jarayonini rivojlantirishda turli mamlakatlardagi OTMlar bilan talabalar, professor-o‘qituvchilar, tadqiqotchilarning xalqaro almashinuvini tashkil etish, xalqaro hamkorlik orqali yuqori tajribaga ega bo‘lish va uni boyitib borish, xalqaro darajadagi ilmiy tadqiqot loyihalarida hamkorlik qilish.
Moslashuvchanlik va individuallashtirish tamoyili: Turli xil ta’lim uslublari va talabalar ehtiyojlarini hisobga olgan holda ta’lim yo‘nalishlari va tadqiqotchilik faoliyatini kengaytirish orqali ularga tanlash imkoniyatini berish.
Karyerani qo‘llab-quvvatlash: Pedagogik ta’limning natijadorligini oshirishda talabalarga kasbiy rivojlanish imkoniyatlarini taqdim etish (amaliyot o‘tash, korxonalar bilan loyihalarda ishtirokiga va bitiruvchilarni o‘qishni tugatgandan so‘ng ish topishiga yordam berish).
Global mas’uliyat va barqaror rivojlanish: Ta’lim beruvchilar ta’lim oluvchi shaxslarni barqaror rivojlanish, inson huquqlari, global salomatlik, ekologik ong va mas’uliyatliligiga o‘rgatish, ta’lim va ilmiy faoliyatda axloqiy me’yorlarga rioya qilish va akademik halollik, intellektual mulk huquqlarini hurmat qilishdan iborat.