Boshlang‘ich ta’lim nazariyasi va amaliyoti
Kafedra tarixi
Boshlang‘ich ta’lim nazariyasi va amaliyoti kafedrasi 2019-yil 27-avgustda Toshkent viloyati Chirchiq davlat pedagogika instituti Kengashining 1-sonli qarori bilan tashkil etilgan Pedagogika fakulteti tarkibida shakllantirildi. Dastlab Maktabgacha va boshlang‘ich ta’lim sporti kafedrasi kafedrasi, 2019-yil Boshlang‘ich ta’lim kafedrasi tarkibida faoliyat olib borgan bo‘lsa, 2021-yil mustaqil kafedra sifatida ajralib chiqdi. Bugungi kunda kafedra boshlang‘ich ta’lim tizimiga kadrlar tayyorlash va boshlang‘ich ta’lim uchun o‘quv adabiyotlar, metodik tavsiyalar ishlab chiqish bilan shug‘ullanadi.
Kafedraning maqsadi va vazifalari
Boshlang‘ich ta’lim nazariyasi va amaliyoti kafedrasining bosh maqsadi bo‘lajak boshlang‘ich ta’lim o‘qituvchilarga boshlang‘ich ta’limning metodologik asoslarini, ta‘lim jarayonida ishlatiladigan metod va texnikalarni o‘rgatish orqali ular uchun bilim olish va kasbiy malakalarini oshirishga yordam beradi.
Shu asosda kafedra o‘z oldiga qo‘ygan vazifalar:
Boshlang‘ich ta’lim sohasidagi nazariy va pedagogik bilimlarni chuqurlashtirish;
Boshlang‘ich ta’lim o‘qituvchilarni ta’lim jarayonida samarali ishlashga tayyorlash;
Ta’lim jarayonida yangi pedagogik texnologiyalarni qo‘llash va rivojlantirish;
Boshlang‘ich ta’lim nazariyasi va amaliyoti kafedrasi mudiri
O‘quv ishlar bo‘yicha dekan o‘rinbosari, Kafedra o‘qituvchisi
Ta’lim yo‘nalishlari va o‘quv dasturlari.
Kafedra ochilganidan buyon quyidagi ta’lim yo‘nalishlarida ta’lim beriladi.
Bakalavr:
5111700 - Boshlang‘ich ta’lim va sport-tarbiyaviy ish;
60110500 - Boshlang‘ich ta’lim;
60110400 - Boshlang‘ich ta’lim;
60112600 - Maktabgacha va boshlang‘ich ta’limda xorijiy til;
Magistratura:
70110401 - Ta’lim va tarbiya nazariyasi va metodikasi (Boshlang‘ich ta’lim)
KAFEDRANING TA’LIM SIFATI VA BAHOLASH TIZIMI
Ta’lim sifati nazorati
Boshlang‘ich ta’lim metodikasi kafedrasi ta’lim sifati nazoratini oshirish bo‘yicha ichki va tashqi monitoring tizimlariga tayanadi:
Universitetning Ta’lim sifatini nazorat qilish bo‘yicha ishchi guruhi platformasi orqali ta’lim sifati muntazam tahlil qilinadi.
Turizm fakulteti tarkibidagi Ta’lim sifatini nazorat qilish komissiyasi doimiy ravishda baholash tizimi va ta’lim jarayonini kuzatib boradi.
Kafedraning ichki nazorati kafedra o‘qituvchisi Ahmadaliyeva Mahliyo tomonidan olib boriladi.
Kafedra yig‘ilishlarida taqdim etilib, ta’lim jarayonidagi kamchiliklar va takomillashtirish choralari muhokama qilinadi.
Baholash tizimi
Talabalarni baholash tizimi kafedraning o‘quvdasturlarida batafsil yoritilgan bo‘lib, baholash jarayoni kredit-modul tizimi asosida amalga oshiriladi.
Oraliq baholash: talabalaroraliq nazorat uchun yozma nazorat olinadi, buesa ularning yozuv nutq ko‘nikmalarini tekshirish imkonini beradi.
Yakuniy baholash: yakuniy nazorat yozma tarzda talabalar baholanadi.
Talabalarning ta’lim natijalarini baholash mezonlari: |
Daraja | 5 ballik tizim (baho) | O‘zlashtirish foizda | An’anaviyda | Baholash mezonlari |
O‘quv boshqarma uchun | Professor-o‘qituvchi uchun |
A+ | 4,51 – 5 | 91 - 100 | A’lo | Talaba materialni mustaqil ravishda tez o‘zlashtiradi: xatolarga yo‘l qo‘ymaydi; mashg‘ulotlarda faol ishtirok etadi; savollarga to‘liq va aniq javob beradi. |
A | 4,26 – 4,5 | 86 – 90 | | talaba materiallarni mustaqil ravishda o‘zlashtiradi: xatolarga yo‘l qo‘ymaydi; savollarga to‘liq va aniq javob beradi. |
B+ | 4,01–4,25 | 81 – 85 | Yaxshi | talaba materiallarni yaxshi o‘zlashtirgan, uni mantiqiy ifoda eta oladi; mashg‘ulotlarda faol ishtirok etadi; savollarga to‘liq va aniq javob beradi, biroq uncha jiddiy bo‘lmagan xatolarga yo‘l qo‘yadi. |
B | 3,51 – 4,0 | 71 – 80 | | talaba materiallarni yaxshi o‘zlashtirgan, savollarga to‘liq va aniq javob beradi, biroq uncha jiddiy bo‘lmagan xatolarga yo‘l qo‘yadi. |
C+ | 3,26 – 3,5 | 66 – 70 | Qoniqarli | asosiy materiallarni biladi, biroq aniq ifoda etishga qiynaladi; savollarga javob berishda aniqlik va to‘liqlik еtishmaydi; materiallarni taqdim etishda ayrim xatoliklarga yo‘l qo‘yadi; kommunikatsiya jarayonida qiyinchilik sezadi. |
C | 3,0 – 3,25 | 60 – 65 | | asosiy materiallarni biladi, biroq aniq ifoda etishga qiynaladi; savollarga javob berishda aniqlik va to‘liqlik еtishmaydi; materiallarni taqdim etishda ayrim xatoliklarga yo‘l qo‘yadi; |
F | 3,0 dan kam | 59 dan past | Qoniqarsiz | materiallarni o‘zlashtirmagan; savollarga javob bera olmaydi; mashg‘ulotlarda ishtirok etmaydi |
Talabalar fikr-mulohazalari va qayta aloqa tizimi
Kafedrada talabalar fikrini tinglash va baholash jarayonining shaffofligini ta’minlash maqsadida qayta aloqa mexanizmi yo‘lga qo‘yilgan.
Apellyatsiya jarayoni: yakuniy nazorat natijalari e’lon qilingandan so‘ng 24 soat ichida, talabalar kafedraning botnazariyasivaamaliyoticspu@gmail.com elektron pochtasiga murojaat qilish imkoniyatiga ega. Bu jarayon baholash jarayonida yuzaga kelishi mumkin bo‘lgan noaniqliklarni bartaraf etish va talabalar fikrini inobatga olishga xizmat qiladi.
Doimiy fikr-mulohazalar: talabalarning ta’lim sifati bo‘yicha fikrlarini to‘plash uchun so‘rovnomalar va tahliliy hisobotlar muntazam o‘tkaziladi hamda murojaatlar o‘rganiladi. Bunday natijalar asosida o‘quv jarayonini yanada takomillashtirishga qaratilgan chora-tadbirlar ishlab chiqiladi.
Kafedraning ilmiy-tadqiqot sohalari.
Kafedrada ilmiy tadqiqot ishlarini olib borishda mamlakatimiz ijtimoiy-iqtisodiy rivojlanishining ustuvor yo‘nalishlariga mos keluvchi bir qator ilmiy yo‘nalishlar belgilab olingan. Xususan, institut rektorining 2022 yil 30 avgustdagi 01-191-sonli “Institutda ilmiy salohiyatni oshirish, ilm-fan va innovatsiyani rivojlantirish to‘g‘risida”gi buyrug‘i chiqarilgan bo‘lib, ushbu buyruq asosida “Kelajak ta’limi” faoliyati yo‘lga qo‘yildi. Bu ilmiy-tadqiqot laboratoriyaning asosiy maqsadi boshlang‘ich ta’lim muammolarini innovatsion, fundamental va ilmiy-amaliy tadqiq etishdan iborat. Mazkur yo‘nalish bo‘yicha kafedraning professor-o‘qituvchilari ilmiy-nazariy maqolalar e’lon qilib borishmoqda va yosh o‘qituvchilarning dissertatsiya mavzularida boshlang‘ich ta’lim muammolarini tadqiq etish masalalari ustuvor darajada belgilangan. Kafedra professor-o‘qituvchilari tomonidan olib borilayotgan ilmiy-tadqiqot ishlari quyidagi jadvalda aks etgan:
Kafedra professor-o‘qituvchilarining ilmiy-tadqiqotchilik faoliyati fakultet Ilmiy kengashi tomonidan nazorat qilib boriladi.
“Klaster asosida boshlang‘ich ta’lim sifat va samaradorligini oshirish” Boshlang‘ich ta’lim nazariyasi va amaliyoti kafedrasining ilmiy-tadqiqot faoliyati ustuvor yo‘nalishi hisoblanadi. Mazkur ustuvor yo‘nalishga asosan quyidagi jabhalarda tadqiqot ishlari olib borilmoqda:
- “Kelajak ta’limi” ilmiy-tadqiqot laboratoriyasi bo‘yicha ilmiy maqolalar va metodik tavsiyalar e’lon qilib borish;
- professor-o‘qituvchilarning dissertatsiya mavzulari rejalarida klaster tizimi bo‘yicha yo‘nalishlarning mavjud bo`lishi;
- e’lon qilinayotgan ilmiy maqolalar va o`quv-uslubiy qo`llanmalarni boshlang`ich ta’limning samaradorligini oshirishga yo`naltirish;
- klaster asosida Toshkent viloyati umumiy o`rta ta’lim maktablari boshlang`ich sinf o`qituvchilari bilan ilmiy hamkorlik qilish.
Universitet rektorining 2021 yil 5 iyuldagi 01-180-sonli “Institutda ilmiy salohiyatni oshirish, ilm-fan va innovatsiyani rivojlantirish to‘g‘risida”gi buyrug‘i chiqarilgan bo ‘lib, buyrug‘ga asosan kafedra qoshida “Kelajak o‘qituvchisi-ilmiy tadqiqot laboratoriyasi” tashkil etilgan bo‘lib, ushbu laboratoriyada professor-o‘qituvchilar, magistrantlar hamda bakalavr bosqich talabalari tadqiqot ishlarini olib borishmoqda.
“Talabalar turar joyi”larida tadbir
“Talabalar turar joyi”lari hamkorlik aloqalarini yanada takomillashtirish maqsadida 2024-yil 12-dekabr kuni “Boshlang‘ich ta’lim nazariyasi va amaliyoti” kafedrasi o‘qitvchilari bilan birgalikda “Badiiy adabiyoti gulshani” mavzusida davra suhbati tashkil etildi. Suhbat davomida talabalar bilan badiiy adabiyot haqida, talabalarning bo‘sh vaqtida qanday asarlar o‘qiyotgani haqida qiziqib ular bilan samimiy suhbat olib borildi, suhbatda kafedraning professor-o‘qituvchilari Suleymanova Sevara, Haydarova Gulruh Ibodullayeva Sevara, Rahimova Nuquljon, Mambetaliyev Qayrat, Ibragimova Dildora, Abdullayeva Uljalg‘aslar talabalarga o ‘qishi uchun har xil qiziqarli badiiy asarlarni o‘qish uchun tavsiya qildilar. Shu bilan bir qatorda talabalarga Muhammad Erniyozbey o‘g‘li Ogahiy tavalludining 215-yilligiga bag‘ishlab talabalarga Ogahiy haqida, asarlari haqida qiziqarli suhabat bilan davom ettirildi. Suhbat davomida ustozlar va talabalar tomonidan Ogahiyning g‘azallaridan parcha yod olindi.
Mahorat darslari
Boshlang'ich ta'lim nazariyasi va amaliyoti kafedrasi professor-o'qituvchilari tashabbusi bilan talabalar uchun Toshkent shahar 144-maktabda "Xalqaro pedagog talaba nigohida" mavzusida mahorat darslari tashkil etildi.
Xalqaro pedagogik tajribaga ega bo‘lgan oliy toifali o‘qituvchi, Xalq maorifi a'lochisi, Xalq ta'limi fidoiysi Mashrabxon Umarovaning xalqaro ta’lim standartlarini joriy etish yuzasidan tavsiyalari tinglandi.
Tanlovlar
Boshlangʻich taʼlim fakultetining serg'ayrat va shijoatli talabalari o'rtasida 19-oktyabr kuni "Ona tili fani bilimdoni" tanlovi o’tkazildi. Fakultetning kunduzgi va kechki yo’nalishlaridan barcha kurslar ishtirok etgan tanlov qiziqarli va shiddatli bo’ldi.
