Kafedra haqida Boshlang‘ich ta’lim metodikasi kafedrasi 2021-yil 23-avgustda Toshkent viloyati Chirchiq davlat pedagogika instituti Kengashining 1-sonli qaroriga muvofiq Boshlang‘ich ta’lim fakulteti tarkibida ajralib chiqdi va faoliyat ko‘rsata boshladi. Uning tashkil etilgan yili 2017-yilga borib taqaladi, o‘shanda O‘zbekiston Respublikasi Prezidentining 2017-yil 27-iyuldagi PQ-3152-sonli Qaroriga asosan institut tashkil etilgan. Dastlab Pedagogika fakulteti tarkibida Maktabgacha va boshlang‘ich ta’lim sporti kafedrasi sifatida ochilgan. Kafedra Toshkent viloyati, Chirchiq davlat pedagogika universiteti, 1-bino, 16-xonada joylashgan.

Maqsad va Vazifalar Kafedraning asosiy maqsadi zamonaviy pedagogik texnologiyalar va innovatsion yondashuvlar asosida boshlang‘ich ta’lim sifati va samaradorligini oshirish, talabalarni kasbiy va metodik jihatdan yuqori saviyada tayyorlash, ilmiy tadqiqotlar olib borish hamda boshlang‘ich ta’lim tizimiga samarali metodik qo‘llanmalarni ishlab chiqishdan iborat. Asosiy vazifalari:

• Boshlang‘ich ta’limda xorijiy tajriba va yangi pedagogik texnologiyalarni o‘rganish va tadbiq etish.
• Boshlang‘ich ta’limning dolzarb masalalariga oid ilmiy tadqiqotlar olib borish.
• Xalqaro maydonda hamkorlikni yo‘lga qo‘yish va o‘quvchilarning bilimlarini rivojlantirishga qaratilgan loyihalarni amalga oshirish.
• Talabalarning kasbiy tayyorgarligini oshirish va ularni amaliyotga yo‘naltirish.

Ta’lim yo‘nalishlari va o‘quv dasturlari Kafedra bakalavriat va magistratura bosqichi talabalariga boshlang‘ich ta’limga oid darslar olib boradi. Fakultetda quyidagi ta’lim yo‘nalishlarida ta’lim beriladi:

• Bakalavriat:
  • 5111700 - Boshlang‘ich ta’lim va sport-tarbiyaviy ish
  • 60110500 - Boshlang‘ich ta’lim
  • 60110400 - Boshlang‘ich ta’lim
• Magistratura:
  • 70110401 - Ta’lim va tarbiya nazariyasi va metodikasi (Boshlang‘ich ta’lim)

Kafedraning o‘quv dasturlari:

• Bakalavriat dasturlari:
  • Boshlang‘ich ta’limda tarbiya fani
  • Boshlang‘ich ta’lim pedagogikasi
  • Husnixat o‘qitish texnologiyasi
  • Texnologiya ta’limi va uni o‘qitish texnologiyasi
  • Pedagogik mahorat
• Magistratura dasturlari:
  • Ilmiy tadqiqot metodologiyasi
  • Uzluksiz ta’limdagi tendensiyalar va zamonaviy yondashuvlar
  • Pedagogik kompetentlik

Ilmiy-tadqiqot yo‘nalishlari va loyihalar "Boshlang‘ich ta’lim metodikasi" kafedrasi ilmiy-tadqiqot faoliyatida bir qator strategik yo‘nalishlarda ish olib bormoqda. Ushbu yo‘nalishlar zamonaviy ta’lim talablariga javob beruvchi ilmiy tadqiqotlar olib borish, milliy va xalqaro ilmiy hamjamiyat bilan hamkorlikni kengaytirish hamda amaliy natijalarga erishishni maqsad qilgan. Universitet rektorining 2021-yil 5-iyuldagi 01-180-sonli buyrug‘iga asosan kafedra qoshida “Kelajak o‘qituvchisi-ilmiy tadqiqot laboratoriyasi” tashkil etilgan bo‘lib, ushbu laboratoriyada professor-o‘qituvchilar tadqiqot ishlarini olib borishmoqda:

• Boshlang‘ich sinf o‘quvchilarini bilimini baholash: Jazira Jansaitova xalqaro baholash dasturlari asosida diagnostik korreksiyalash masalalarining nazariy asoslari (boshlang‘ich ta’lim misolida) mavzusida tadqiqot olib bormoqda.
• Ta’lim metodikasi mexanizmlari: Jabborova O.M. "Boshlang‘ich ta’lim metodikasini takomillashtirishning innovatsion mexanizmlari" va Tashpulatova D.M. "Boshlang‘ich ta’limda klaster yondashuv asosida o‘quv fanlarini integratsion o‘qitish mexanizmlarini takomillashtirish" mavzularida tadqiqotlar olib bormoqda.
• Boshlang‘ich sinf o‘quvchilarini bilim darajasini oshirish: Ochilov Fariddun "Umumiy o‘rta ta’lim maktablari o‘quvchilarining tabiiy-ilmiy tafakkurini rivojlantirish metodikasi", Nurmatova Shaxnoza "Boshlang‘ich sinf o‘quvchilarida darsga ijobiy munosabatlarni shakllantirish va rivojlantirish texnologiyalari", Sayliyeva Mashkura "Boshlang‘ich sinf o‘quvchilarining 4 K xalqaro modeli bo‘yicha kreativlik va kritizm ko‘nikmalarini shakllantirish mexanizmlarini takomillashtirish", Eshmanova Nodira "Boshlang‘ich sinflarda insho va bayon yozish metodini klasterlash" mavzularida tadqiqotlar olib bormoqdalar.
• STEAM yondashuvi: Tilavova Sayora "Bo‘lajak boshlang‘ich ta’lim o‘qituvchilarining ekologik kompetentligini STEAM yondashuv asosida takomillashtirish" va Usmanova Qumriniso "Boshlang‘ich sinf o‘quvchilari musiqiy ongini shakllantirish metodlarini takomillashtirish" mavzularida ilmiy tadqiqotlar olib bormoqdalar.
• Konfliktlar tipologiyasi: Umarova Zuxra "Umumiy o‘rta ta’lim maktablarida pedagogik konfliktlar tipologiyasi" mavzusida tadqiqot qilmoqda.

Ushbu yo‘nalishlar kafedraning ilmiy-tadqiqot salohiyatini yuksaltirishga va yangi zamonaviy metodologiyalarni rivojlantirishga xizmat qilmoqda.